日本青春偶像上戶彩近年為日本一間保險公司做代言人，佢喺廣告入面嘅熊貓造型好得人鍾意，所以上戶彩最近就乘勝追擊，拍咗個最新版本嘅廣告，呢隻上戶熊繼續周圍幫人，佢由河邊行到上電車，其間重為喺車廂入面瞓着覺嘅打工仔叔叔冚被。但佢拍呢個廣告就花咗成十四個鐘頭，都咪話唔辛苦。