鄭中基前晚出席香格里拉舉行的「舞會出善緣」慈善晚宴，他表示是和杜汶澤相約前來拜會寧波車，但因寧波車十分忙碌，而他又要趕往和陳可辛傾談新片，所以沒有機會相見。
鄭中基剛由印度拍完電影《喜馬拉亞星》回港，他謂在印度經常肚瀉，中基說：「我本來帶咗三箱水去，但去到機場超磅，要補七千幾蚊，咁我寧願屙喇。我試過一朝屙咗八次，軍醫開咗啲粉畀我沖水飲，補番啲體力，屙咗幾日之後，我諗住有番啲抵抗力啦，所以走去飲印度奶茶，點知屙得重勁。」
前晚張栢芝的父親鬍鬚勇和弟弟張豪龍亦有出席，鬍鬚勇稱栢芝要錄音，所以未能赴宴，問他栢芝在印度肚瀉一事，他表示她已無大礙。至於栢芝平日可有和他一同去教堂崇拜，他說：「冇，都係佢自己去啫。」