鄭伊健曾經主持過無綫的兒童節目《430穿梭機》（現改名為《至Net小人類》），對於老臣子譚玉瑛被換掉，伊健認為無綫此舉不當，他又力撐譚玉瑛，聲言會號令親友罷看節目。
彭發導演、鄭伊健、黃子華、鍾鎮濤（阿B）與蔡卓妍（阿Sa）演出的《阿孖有難》前晚在灣仔會展舉行首映，出席的嘉賓有姚樂怡、康華、鍾欣桐（阿嬌）、范姜和阿B的大女兒等，由於沒有劃位，發出的戲票過多，導致范姜和B女沒位坐，終由導演彭發讓座。
曾經主持過《430穿梭機》的伊健知道無綫要將老臣子譚玉瑛飛出該節目時，他打抱不平說：「咁就唔啱，佢咁有代表性，我由細睇到佢大，佢可以話係兒童組嘅代表，邊個冇睇過佢？如果out佢出節目，就等於港府要拆古迹，係唔啱嘅，我同佢合作主持呢個節目時，我覺得佢好叻，思想又前衞，如果呢位中流砥柱唔做，我不單止自己唔睇，我會叫埋親朋戚友都唔睇。」
談到伊健與阿Sa因拍此片傳出緋聞，伊健說：「我當佢係細妹，佢同霆鋒嘛！」而阿Sa則說：「伊健個死嘢為甩身咁講，但我同伊健的確係兄妹。」前晚大會不知是否戲弄兩人，在場為二人舉行了一個中式結婚儀式，要阿Sa拿着兩隻椰子，但她感到一臉尷尬，她解釋說：「梗係尷尬，我都唔知擺喺乜嘢位置好。」
採訪：魯萍
攝影：林德雄
