陳慧琳（Kelly）昨日在香港站宣傳地鐵即將推出的紀念車票，更即場與fans玩遊戲，但用作玩遊戲的錄音鬧鐘無故失靈，場面尷尬。其間Kelly充份表現童真一面，當她手持「多啦Ａ夢」的公仔對着由人扮的「多啦Ａ夢」說：「食啦，食啦，食叮噹仔啦。」令在場人士忍俊不禁。
此外，Kelly在下月尾舉行的演唱會售票成績理想，至於會否加場，稍後才會公布，由於今年她在聖誕與新年假期開演唱會，不能約朋友外出，Kelly說：「我不嬲唔約人出去玩，今次喺自己演唱會同fans倒數，感覺重開心，至於男友會唔會上台倒數？梗係唔會啦，佢嗰晚應該唔睇，因為嗰晚太多人要飛，我要佢將訂咗嘅飛讓番出嚟㖭。」
採訪：馮美茵 攝影：陳慧安