在總舵手LeonardCheng的號召下，全新標致407豪華轎車，上星期首度在陳列室供本地汽車傳媒採訪。能夠近距離接觸到這輛新一代法式轎車，確實令筆者有一新耳目感。除卻新車外形有別傳統歐、日汽車設計外，車廂鋪排亦可謂極盡豪華同安全性。
全新高級皮椅剪裁貼身富承托感外，跟同級德國轎車一樣，有齊側氣袋及充氣簾幕之餘，新車重追加有軚軸安全氣袋保護駕駛者，又難怪407甫一面世，就輕易奪得歐洲防撞測試5星評級啦！用上一台最新2.2公升直4引擎（馬力160匹）及4前速Tiptronic半自動波箱配搭的407，設備可謂應有盡有，而新車定價亦不過是28萬，若然要追求有獨特性，又要有出眾的操控力同講究配套的話，車迷就唔好錯過今個周末同周日全新標致407首展喇！
記者、攝影：陳偉林