精明消費：
新配方洗潔精保濕紓緩錫住雙手
每次食完飯，梗無人願意肩負起洗碗呢個厭惡性工作，個個都話怕洗潔精搞到對手又乾又嚡。呢個藉口以前用就得，家陣用就Out喇，事關現今嘅洗潔精都已改用天然配方，性質溫和不傷皮膚，有啲更兼備護手功能，唔想洗碗？要諗過第二個藉口喇！
記者：黃婉冰 攝影：陳盛臣、陳智良
ImageGirl：Karie（StarAsia）
獨特薰衣草香
AXE護膚洗潔精，帶有清香薰衣草味，含維他命E配方，可溫和肌膚。有效消除葡萄球菌、大腸桿菌、沙門氏菌等細菌，特別的樽形設計可加強防滑功能，每支900g。
售價：$13(a)
護膚保濕成份洗完唔乾燥
維他命E、天然植物成份、礦物鹽、保濕、紓緩疲勞，講緊HandCream？錯喇，查實係講緊現今坊間至興嘅護手洗潔精，支支都具備以上各種優點，有支鎮守廚房，唔怕每日洗碗洗到對手變煮婦手！
礦物鹽紓緩手部疲勞
AXE最新推出的海洋礦物鹽精華洗潔精，含天然海洋礦物鹽、海藻精華，有紓緩手部疲勞、保濕及滋潤皮膚功效。含減低泡沫配方，一沖水即爽，每支1300ml。
售價：$29.9(a)
植物成份具保濕功能
日產檸檬洗潔精，含植物成份及保濕配方，有保濕功效兼帶有清新檸檬香，用後雙手唔會乾燥。除可清除食具的油污外，亦可用來清洗蔬果，每支600ml。
售價：$12.8(b)
無添加敏感都適用
日本自然派玉之肌無添加洗潔精，以植物油為主要原料，無色素、香料及弱鹼性。性質溫和呵護肌膚，手部敏感都適用，每支400ml。
售價：$21(b)
蘆薈維他命E
威潔超亮洗潔精，以天然小麥蛋白及多種植物精華提煉，含天然蘆薈精華、維他命E，可防止肌膚水份流失，令雙手保持柔嫩。含殺菌成份，有清新蘋果香，每支1,000ml。
售價：$17.5(b)
濃縮洗潔精3倍去污力
洗潔精潔淨力唔夠強，畀你落晒成支都係無用。濃縮洗潔精就有呢個好處，去油污力比普通洗潔精強3倍，落少少就可以洗晒成盆碗，計落條數襟用得多，至啱精打細算嘅家庭「煮」婦！
環保草本成份
ECOVER環保洗潔精，配方含Chamomile、Marigold兩種草本精華，可有效呵護肌膚。成份天然環保，過水後不會殘留有害物質於食具上，每支473ml。
售價：$30(g)
不傷皮膚角質層
獅王采瑩橙味護手濃縮洗潔精，濃縮配方具特強潔淨、消臭及殺菌功效。配方所含的弱酸性跟人體皮膚一樣，可保護手部皮膚角質層，不會刺激，每支270ml。
售價：$22.9(b)
成份天然溫和
SeventhGeneration天然洗潔精，以天然成份配製，性質溫和。有效清除油污外，內含可分解配方，於排水後被微生物分解，不會造成污染，含天然柑橘香，每支828ml。
售價：$38(g)
椰子果實易分解
自然派濃縮洗潔精，含椰子果實潔淨成份，只需一滴便可清除油膩。高分解性成份，每支300ml。
售價：$19(b)
3倍去油迹力
滴潔超濃縮洗潔精，只需用普通洗潔精的一半份量，潔力卻比普通洗潔精高3倍。有除菌作用，配方溫和兼有濃郁香橙味，每支500ml。
售價：$15.8(a)
可殺多種細菌
AXE超濃縮洗潔精，含殺菌成份。成份天然帶清新氣味，有助滋潤雙手肌膚，每支600ml。
售價：$17.9(a)
檸檬新配方可洗蔬果
花王萬滌檸檬洗潔精，具特強去污效能及檸檬清香。只需小量便可去除碗碟油膩，配方溫和，亦可用來清洗生果及蔬菜，每支1,000ml。
售價：$16.9(c)
植物精華去油力強
日本新廚寶超濃縮洗潔精，含植物精華，性質溫和，去油膩效力特強。只需用普通洗潔精的一半份量，便可清洗同樣數量的碗碟，每支300ml。
售價：$11.5(e)
泡沫一沖即爽
獅王采瑩超濃縮洗潔精，可清除食具上的肥膩油脂。有消臭效果，泡沫豐富，一過水即乾爽。植物成份不傷皮膚，每支270ml。
售價：$24(b)
傳統大改良成份環保香噴噴
今時唔同往日，就算一支無乜特別功效嘅普通洗潔精，都已大大改良。好多已改用天然成份，唔會對環境造成污染，無化學成份唔會刺激皮膚，重有花香、果味等多種香味任你揀，洗碗都洗得醒神啲。
除菌功效至強
日本清亮純植物濃縮洗潔精，以天然純植物為原料，不刺激手部。可清除食具上的細菌外，連帶海綿上的細菌亦一一消滅，每支300ml。
售價：$19.5(b)
無磷配方夠環保
EarthFriendlyProducts洗潔精，以天然椰子油及梨油為主要配方，無化學成份，環保潔淨力強。適合各種性質皮膚，每支739ml。
售價：$30(g)
成份原料可分解
象牙濃縮洗潔精，配方溫和，可快速去除油膩而不傷皮膚，成份內的原料可在排水後被微生物分解，夠晒環保，每支740ml。
售價：$20.9(b)
幽香玫瑰花
LiegeHome玫瑰花香洗潔精，配合蘆薈精華成份，有助紓緩神經。其介面活性劑可在排水後被微生物分解，每支473ml。
售價：$42(g)
椰子精華成份天然
獅王Natera天然成份洗潔精，不含化學物，不傷皮膚。可去除油膩污迹，同時可用來清洗蔬果，每支600ml。
售價：$32(c)
無甲醇配方
威威檸檬洗潔精，成份不含化學物。帶有清香檸檬味，可同時用來洗碗、洗菜，每樽2.2千克。
售價：$12.5(e)
清新果酸味
首選牌天然洗潔精，帶清新果酸香氣，可除油膩污迹，亦可保護雙手皮膚，每支1公升。
售價：$19.9(a)
店舖資料
(a)全線惠康
*惠康售價以收銀機作準
(b)西田百貨 26941111
沙田新城市廣場3期2樓
(c)崇光百貨 28338338
銅鑼灣軒尼詩道555號
(d)DaisoLand 28906033
銅鑼灣金百利商場地庫
(e)吉之島百貨 28846888
鰂魚涌康山道2號康怡廣場南
(f)吉之島10元廣場 34282138
銅鑼灣京士頓街9號家居廣場1樓
(g)city'super 25062888
銅鑼灣時代廣場B1地庫
專對付煎肉污迹
日本台所用合成洗劑，可去除煎肉後的油膩污迹。無香料、色素等添加物，每支180ml。
售價：$10(f)
綠茶精華可除菌
用天然植物作主要成份，以綠茶精華配合植物性除菌配方，成份天然又可達至殺菌效用，每支400ml。
售價：$10(d)