現在仍接受感化令的周永恆（Roy），日前與女友趙頌茹及友人往酒吧買醉，阿Roy竟然在街上醉酒鬧事，毀壞店舖大閘及街上垃圾桶，被傳媒拍下照片。
阿Roy昨日往九龍塘出席講座時，即場向所有人道歉，並表示會負責賠償對方損失，他說：「我今次真係做錯，一錯再錯，我唔希望俾人覺得呢件事之後，話我呢個仔係冇得救，我係好抵鬧，我係好抵死，點解咁失敗，雖然今次冇觸犯法例，但係我覺得重嚴重過上次，自己好內疚。」
阿Roy強調當日是為朋友洗塵，不知不覺喝多了。對於阿Roy早前向感化官和經理人作出承諾不出夜街，他說：「當晚十二點鐘已經走，可能畀自己底線太鬆。」
而阿Roy昨日接受商台電話訪問，主持人林曉峰責罵他不是每件事都要試過才知禍害，阿Roy卻無知地回應：「我如果未試過，就唔識得用過來人嘅身份表達，我唔期望大家原諒我，惟有做好自己，唔再發生咁嘅事。」此外，周啟生昨日在金鐘出現，對於姪兒阿Roy醉酒生事，他說：「我唔會對佢發表言論，我就唔飲酒，佢自己鍾意啦。」
採訪、攝影：張俊銘