周嘉玲及任葆琳等昨日出席胡敏珊代理、聲稱有治療作用的腕表品牌活動。周嘉玲曾向男友動粗，她昨日承認自己脾氣大，但若遇到結婚對象會作自我調節，如在男友面前扮蠢。而自稱「野蠻女友」的任葆琳則表示近年的脾氣已經好了很多。
由胡敏珊代理的腕表PhilipStein，昨日假中環國際金融中心連卡佛舉行活動，由陳嘉容等模特兒示範。PhilipStein腕表的賣點在於可調節情緒，荷李活明星名人如麥當娜（Madonna）及納奧美金寶（NaomiCampbell）均是捧場客。
昨日有份出席活動的周嘉玲及任葆琳，前者曾向舊愛動粗，後者則自認是「野蠻女友」，似乎均適合佩戴此表。
周嘉玲對此說：「我揀表唔會以健康做出發點嘅，我承認我脾氣係幾大，但有時發脾氣都係減壓嘅一種，係合理嘅發脾氣。我本性係惡啲、有自己主見同埋硬淨，不過如果畀我遇到結婚對象，我會調節一下，例如扮吓蠢，好多女人都係咁㗎啦。」
問周嘉玲現時的男友是否其結婚對象時，她說：「未諗呀，不過同佢拍拖八個月都好開心，我都未試過事業同愛情都咁順利。」
任葆琳被問到佩戴PhilipStein腕表後有否改善其亂發脾氣的習慣時，她說：「我近年嘅脾氣都好咗好多，不過戴咗呢隻表係好瞓咗就真。」至於早前她出席一活動時被拍到與一男士同車，她說：「嗰個係舊同學嚟，我高調又俾人話晒嘢，低調又話鬼祟。我由十三歲開始未停過拍拖，𠵱家冇拖拍先知單身原來係咁好玩嘅。」
採訪：RitaLeung
攝影：ChenWaiOn
