好多國際知名嘅性感女星都有大膽開放嘅性生活，而且佢哋重有一套自己享受性趣嘅方法，好似安琪蓮娜祖莉（AngelinaJolie）就覺得同性伴玩SM先夠刺激，而樂壇師奶BritneySpears就呼籲姊妹們得閒多啲「食自己」。
安琪蓮娜祖莉好坦白咁話自己有鋪SM癮，佢話：「好多人誤解SM係暴力行為，但其實呢樣嘢關乎同性伴侶嘅信賴，我鍾意喺精神同性方面去得激啲！」
而啱啱榮升師奶嘅歌手BritneySpears就坦言好鍾意「食自己」，佢話：「男人可以成日手淫，點解女仔唔得？如果自慰滿足到自己嘅話，我哋唔使成日要靠男人。」
曾經喺《Dirrty》個MV入面玩手銬嘅ChristinaAguilera，就話手銬可以刺激佢嘅性慾，重話：「如果我嘅情人想用手銬嚟做實驗，我覺得我要玩埋一份先至夠公平！況且我鍾意做愛嗰陣玩得激啲！」講開Christina，有消息話佢好快會同男友JordanBratman訂婚，Jordan已經訂咗隻七十六萬港元嘅二十卡鑽石戒指送畀佢。至於KylieMinogue早排就講過，同男朋友講鹹濕電話可以提高性趣。