組合Twins昨日於將軍澳電視廣播城為《歡樂滿東華2004》錄影折子戲《帝女花─香夭》，由於此乃任白的經典作，所以蔡卓妍及鍾欣桐均十分認真去演出，單是化妝便花了三個小時，幸好效果不俗。
今次阿Sa要反串演駙馬，她表示最辛苦是要唱平喉，她說：「因為我壓把聲低得滯，啲字都咬唔正，重會愈唱愈女仔聲，唱男仔聲好難，要用好勁嘅力。」問阿Sa有否紮胸演折子戲時，她說：「我今日都有問啲阿姐呢個咁尷尬嘅問題，因為我唔知應唔應該着內衣，點知佢哋話我紮唔紮都唔覺喇。」
此外，扮長平公主的阿嬌笑言自己做大戲的裝扮甚似陳奕迅，當問她頭飾是否很重時，她說：「都唔係好重，因為之前拍電影都有戴過，相比之下呢次只係小兒科，不過唱嗰方面就好難，因為要好高音，所以近排成日都要練。」
