賭王何鴻燊個姪何猷剛早前喺屋企突然心臟病發，佢家人火速送佢去山頂醫院都救唔返，享年五十九歲，噚日就喺香港殯儀館出殯，遺體葬喺薄扶林墳場。噚日出席喪禮嘅都係何猷剛嘅至親，賭王並冇出現，反而有「殯儀之星」稱號嘅黃夏蕙就有出現，而何超瓊四姊妹就送咗花籃聊表心意。噚日何猷剛兩個仔廣博同廣禮、個女雅琪同丈夫都一臉哀傷，但係最傷痛嘅就係失去丈夫嘅何陸雪娣，佢全程掩面，一切盡在不言中。
（圖）何猷剛兒子廣博（左）送父親最後一程時，一臉木然。 陳慧安攝
傳真︰2623-9278
電郵︰