鄭少秋、蒙嘉慧、向海嵐及楊怡等昨日於將軍澳電視廣播城綵排無綫台慶項目「非同凡響勁Horn歌」，秋官身上掛着喇叭與四位靚女排舞，綵排時秋官作狀按動楊怡肩膊上的喇叭，最後卻錯手將楊怡的上衣弄到跌膊，令楊怡十分尷尬。
問到秋官綵排是否經常㩒錯對方時，他說：「都有嘅！不過冇人有投訴，㩒錯邊個就唔記得囉，呢啲公司嘅安排，我惟有好誠心咁去㩒錯囉。」秋官更笑言非與美女合作不可，他說：「多靚女係我作風，唔靚叫佢唔好嚟，你哋話邊個唔靚，我趕佢出去。」
此外、蒙嘉慧對於無綫劇集《爭分奪秒》結局平均收視只有廿六點，她說：「唔會失望！因為劇集口碑好好，始終呢套劇本身都好創新。」
採訪：王崇穎 攝影：陳慧安