中電噚日搞咗個午宴，為乜呢？咪係介紹佢哋嗰本《地區客戶諮詢委員會──光輝之旅》十周年紀念特刊囉！本特刊內容主要係講中電過去十年，為九龍區居民做咗乜嘢。八方身為港燈用戶，當然只係得個「睇」字。
呢本頁數不足一百嘅特刊，當然唔能夠詳述中電過去所做嘅一切，只係選擇咗啲較有意思嘅小故事同圖片嚟貫穿全書，好似有提到○二年喺深水埗舉行嘅香港電腦節，原來喺舉行前一晚，先發現電力裝置不符合安全標準，幸好中電即時提供對策，令到活動免於流產。
中電話，呢本特刊係非賣品，佢哋會將特刊送畀九龍各區代表，另外亦會送畀中小學校作紀念，不過，若有市民想整番本擺喺屋企嘅話，中電話亦歡迎市民向佢哋查詢咁話喎！
（圖）如果有興趣想攞中電常務董事阮蘇少眉手上嘅特刊留念，可以向佢哋查詢吓。
傳真︰2623-9278
電郵︰