第八屆海峽兩岸及港澳新聞研討會噚日喺香港禮賓府舉行開幕典禮，請到署理特首曾蔭權做主禮嘉賓，煲呔見到咁多中文新聞傳播界嘅老闆、要員及學者都聚首一堂，禁唔住因題就話，就住今次大會嘅主題「二十一世紀傳媒發展的機遇與挑戰」，講吓自己嘅期望。
原來煲呔對傳媒有一套睇法，就係當今世界，最權威嘅傳媒都屬於歐美世界，有大新聞都要搵CNN、BBC、《紐約時報》、《泰晤士報》、《華爾街日報》以及《金融時報》嚟睇，至於通訊社同新聞網站，都係西方跑贏。不過，隨住中國崛起，佢覺得喺呢個地方，應該能夠成長出喺國際上有足夠權威嘅中文傳媒出嚟。
八方認為煲呔嘅願望良好，可惜佢用咗西方眼光睇中國問題，其實有中國大新聞，中央台、新華社同《人民日報》唔知幾權威，重有祖國出名反對爆料，否則拉人兼封舖，煲呔認真強人於難。
傳真︰2623-9278
電郵︰