日本女星木村佳乃將會喺下月同日本性格演員竹中直人合演舞台劇，不過喺演出之前，竹中直人就揸機為木村佳乃拍咗一輯寫真。雖然佳乃喺呢一輯寫真入面冇好似啲性感女星咁大騷身材，不過喺竹中鏡頭下，搽上鮮紅色唇膏嘅佳乃就「妖」味十足，同平日日劇裏面形象斯文嘅佢相差甚遠，連我羅拉都差啲唔認得佢。