TVB前主播李燦榮離開螢光幕後，接受咗幾間報章雜誌訪問，大爆被炒心聲，又學溫總咁吟詩，話待百花凋零，佢將歸來開放，喜怒有少少無常，又表演跨欄動作，好多人以為佢受到刺激short咗，佢日前打電話畀八方，話佢冇事，多謝大家關心。
李生話，佢都係一片好心，想將佢真實嘅一面喺讀者面前呈現，而唔係擺姿勢算數，對佢嚟講，佢嘅理想的確係做一個運動員。
李生又話自己不愁寂寞，佢會去城大同浸大教書，又會為一啲公司做傳媒訓練，今個星期六，重會為港台《傳媒春秋》做代主持，如果大家想再見佢上電視，可以到時睇吓。
八方聽聞無記最近再有高層唔撈，財務總監兼公司秘書何燦輝退休，而負責國際事務嘅總經理葉睿宇就有高就，已經辭咗職。不過，新聞部就冇計劃再減薪裁員，袁志偉叫大家放心喎。
（圖）就係呢個跳欄動作，搞到啲人以為李燦榮short咗……《壹週刊》圖片
傳真︰2623-9278
電郵︰