向以美豔見稱的劉嘉玲從事演藝事業二十年，首次進軍商界並出任電視購物頻道的行政總裁。嘉玲表示今次從商，乃得到男友梁朝偉的支持，她更不排除會邀請男友做代言人，實行有錢齊齊搵。
劉嘉玲昨日出席在尖沙嘴舉行的記者會，宣布出任TVMart（寰宇購物佳）的行政總裁，TVMart是一個二十四小時的電視購物頻道，並於有線電視25台播放，股東來自香港、台灣、韓國和日本等地區，而香港幾個股東包括嘉玲在內的總投資接近二億，不過她不願透露個人投資額。
嘉玲表示今次從商，男友梁朝偉私底下給了她不少寶貴意見，她說：「佢好贊成我呢個嘗試，亦有講我未來工作會好辛苦，既然有興趣可以試吓新嘢，最重要係誠懇對人，畀人信心好重要。我亦唔排除會搵佢（梁朝偉）做代言人同拍廣告。」
嘉玲並沒因做了行政總裁而改變外形或衣着風格，她說：「唔會特別改變自己嘅形象，用番我個形象出嚟，劉嘉玲就係劉嘉玲，都係叫番我嘉玲啦，唔慣俾人叫CEO（行政總裁）。
「𠵱家心情好緊張興奮，最唔慣都係未來日子有好多困難阻滯要去面對，而且有好多會要開，不過每個月都有人工收。」
問嘉玲會否因從商而局限演出的角色？她說：「冇咁死板，就算現階段唔做呢份工作，我所揀嘅角色亦有限，到時遇到至算。」
採訪：魯萍 攝影：葉君海
