日韓興啲乜：<br>日本至潮遊樂書店點只打書釘

日韓興啲乜：
日本至潮遊樂書店點只打書釘

香港書店太名副其實，買書就買書，頂多附賣文具精品，但日本有一家新潮「遊樂書店」，入去可以打書釘、掃日用品同精品玩意、買過癮手信，甚至當佢係性商店都得，勁受㗎仔㗎妹歡迎，重要全國有超過130家分店，梗有一間喺左近。

記者：張一豪　攝影：黃子偉

■宮田：「嚟呢度睇書成日都有新發現，我今日就睇中一本烹飪書。」

■玲子：「嚟呢度就算唔買嘢，齋Shopping都好開心。」

■麻野（左）及羽田：「最近《怪誕城》大Hit，我哋特登嚟買精品送畀朋友。」

梗有一間喺左近
「VILLAGEVANGUARD」於1986年在四國的愛知縣開店，當時只是一家開在貨倉兼賣日用品的書店，想不到這種「生活雜貨書店」的經營手法勁受歡迎，等顧客入內唔使齋買書咁悶。其後擴展業務，經營概念進一步演變成「遊樂書店」，即如遊樂場般乜好玩嘢都有得買，迄今全國已有超過130家分店，單單關東範圍包括東京內已有32家分店，打書釘勁方便，真係梗有一家喺左近。

生活雜貨乜都有
此店成功之處，係佢唔只係間書店咁簡單，入面賣的貨品古靈精怪乜都有。除文具外，零食玩具、電器生活雜貨之多令人目不暇給，好似去了個充滿小玩意的遊樂場一樣，客人即使購買不到心頭好，都可以過吓Shopping癮。

■店舖布置手法活潑，每種商品都用手寫字突出主題。

■宮崎駿新作《哈爾移動城堡》原著繙譯小說，搶手貨?1,680(約$120)。

■《白色的書》，其實係記事簿，由你自己填上下一年經歷成為自己的書，好有意思，?1,000(約$73)。

變身性商店？
話呢間係性商店一樣得，因為店內有味產品亦唔少。燈光火着大模斯樣揀啱邊件就邊件，買得光明正大，唔似香港性商店咁烏燈黑火，門口窄窄遮遮掩掩，令人太尷尬！

■最HitCD以《BestHitS.K.A.》最好賣，?2,540（$185）。

■店員荻野：「超厚薯片，特別香脆有口感，唔少客試過之後話唔再食其他牌子薯片。」?473（約$35）。

■唔知魷魚絲定朱古力嘅「魷魚絲朱古力」，黑白朱古力2種味道任擇，你敢唔敢試？?231(約$15)。

玩埋飲食界
快餐漢堡包是日本最流行食品之一，一向給人小孩子簡餐的形象，「VILLAGEVANGUARD」玩轉書店後再進軍飲食業，推出「給大人吃的漢堡包」。所售漢堡包全以小麥及酵母自家製造，汁料和牛肉都是自家調製，今年已開了2家新店，勁受上班族歡迎。

■「巨乳波」彈力十足好揸手，好多拖友都會買畀另一半，重要分大中細碼分別賣?2,079(約$154)、?420(約$30)及?294(約$21)。

■抵死罐頭內褲，有老鼠造型勁搞鬼，每罐?840(約$60)。

VILLAGEVANGUARDDINER吉祥寺店
地址：東京都武藏野市吉祥寺本町2-20-12F
電話：（81）422-22-1003
營業時間：星期一至日11:30am至12:00mn

揀騎呢手信
正因為此店貨品太過古靈精怪，價錢又夠大眾化，所以成為不少人買禮物和手信的地方。下次有機會去日本，又想不到買甚麼手信畀親朋戚友，不妨入內逛逛執番三兩件騎呢貨，總好過買人買你又買嘅草餅、紫菜返香港咁老土。

■美式裝修似酒吧，地方闊落坐得好舒服，唔似香港快餐店想搵個位坐都難。

■大賣牛油果漢堡，比芝士漢堡更香口，份量十足，OL啃一個已經可以當正餐，?900(約$65)。

VILLAGEVANGUARD吉祥寺
地址：東京都武藏野市吉祥寺本町2-13-11B1
電話：（81）422-20-1448
營業時間：星期一至日10:00am至11:00pm
交通：乘JR中央線於吉祥寺站下車

■《怪誕城》阿Jack大頭CD套，可放20隻CD，?1,029(約$75)。

■趣致相機模型，砌完真係可以影相，好玩又實用，?1,050(約$77)。

■大熱《龍珠》悟空四星龍珠居然變咗風水珠，很多外國人都買回國做手信，?1,995(約$145)。