香港工業獎頒獎，中華煤氣得環保成就大獎，佢哋獲得呢個獎真係實至名歸。據該公司執行董事陳達雄講，煤氣正投資過億元將堆填區產生嘅沼氣，透過一條長十九公里嘅管道輸往大埔廠房，代替石腦油作為該廠房燃料，減少能源消耗。
上年十月起，煤氣又推出「點廢成金舊爐具回收計劃」，至今收到逾六萬個舊爐具，循環再造金屬廢料多達近八百噸；而煤氣又發起爐具不用發泡膠做包裝物料，結果大部份供應商都配合。
重有，煤氣又成立咗個綠色創意基金，邊個員工可以為環保提出有用建議嘅，可獲數千元獎金；而公司晚上六點所有電源會自動關閉，除非事先有特別安排，佢話咁樣每年可為公司慳返三、四百萬電費。搞環保絕對唔係「嘥錢」！
傳真︰2623-9278
電郵︰