前排立法會激辯證監會主席一拆二嘅安排，令人聯想到政府係咪已有內定嘅新主席人選，所以希望盡快通過法案，等沈聯濤出年九月約滿即刻可以由新人接手。中環唔少人估計，新建議嘅證監主席係非執行性質，正與行政會議新貴查史美倫（圖）話唔想再做全職工作不謀而合。不過查太已講明，無意食回頭草返香港證監，咁佢又有乜動向呢？
八方近日聽聞，政府已內定由查太接替○六年任滿嘅港交所主席李業廣。現時港交所主席乃兼職性質，正合查太要求，而且查太同內地關係唔錯，對港交所喺內地推廣好有幫助。至於來屆證監主席，現時就未見大熱門，有人估話唔定會畀退休高官做，不過若果真係只得年薪十萬，高官都可能寧願去私人機構搵真銀。
傳真︰2623-9278
電郵︰