周麗淇昨日往清水灣鄉村俱樂部，為「第六屆仁濟慈善高爾夫球賽」任開球主禮嘉賓。昨日天氣轉涼，周麗淇卻穿上一件背後開窿的運動外套，露出腰背。
周麗淇昨日一早往清水灣鄉村俱樂部，為「第六屆仁濟慈善高爾夫球賽」擔任開球主禮嘉賓，其他有份落場打球的包括仁濟主席李文俊、陳百祥、苗僑偉及劉玉翠等。
周麗淇昨晨剛拍完無綫劇集《秀才遇著兵》，即趕往出席高球賽，她大呼疲倦。昨日天氣轉涼，周麗淇卻穿上背後開了小天窗的運動外套，內穿tubetop，露出玉背。
問周麗淇是否常打高球，她說：「我打過四、五次啦，雖然運動量好大，但係成日都係企定定，唔啱我哋呢啲跳紮紮嘅人玩。」記者指多打高球可能多機會認識達官貴人，周麗淇則說：「我就冇呢個概念啦，話唔定遲啲我都係有錢人呢！」
近期忙於拍劇集《秀才遇著兵》的周麗淇表示，立志要增肥十磅，她說：「我𠵱家得一百一十磅，武指都話我太瘦，呢套劇好多打戲，一打就拳拳到骨，肥咗有啲肉墊底，唔使咁傷。不過我好衰嘅，一肥就肥晒上面，一瘦就瘦晒落胸，最好可以局部增肥就好啦。」
此外，有份落場打高球的陳百祥則表示由他主持的《運財至叻星》明年會再做，他牙擦擦說：「當係救TVB啦，我同秋官相反嘅，佢有劇上，個市就跌，我個節目上，個市實升番嘅。」
採訪：CamelLok
攝影：HoKwokHo
