中國最叻係統戰同分化，政治定力低嘅人士，好易成為犧牲品（或受害人），所以劉千石今年不再參選做支聯會常委，同支聯會領導層劃清界線，真係有迹可尋，八方問華叔，劉某此舉對支聯會有冇影響？華叔直截了當話「完全冇」，如果有，都係影響佢自己。
原來劉千石當日話要向中國「釋出善意」之時，已經同華叔講佢要退出支聯會，當時華叔叫佢唔使急，等改選時再講，所以佢唔再參選已是意料之事。其實劉某一直甚少參加支聯會嘅會議，一年就出現兩次，一次係六四遊行，一次係六四燭光集會，帶頭高呼「平反八九民運、追究屠城責任」。
除咗阿石，中國亦甚厚待岑建勳，八方聽聞佢上次返上海十日，大陸出到市長韓正招呼佢兩公婆，以前顛覆祖國罪行，自然一字不提。
傳真︰2623-9278
電郵︰