早年宣布破產的鍾鎮濤（阿B）與剛產下女兒的女友范姜，近日由寶雲道搬往白建時道的豪宅居住，不過新居一千四百呎，較舊居細一半，月租四萬。但阿B表示搬屋一事，由范姜話晒事。
鍾鎮濤○二年被申請破產，女友范姜對他不離不棄，今年八月，范姜更為阿B產下女兒Blythe，為家中多添一名成員。為讓女兒有更舒適的居住環境，阿B與范姜近日秘密搬屋，由原來的寶雲道寓所遷往白建時道的MontereyCourt居住。
昨日下午一時十五分，阿B與范姜結伴離開白建時道寓所，但未見小女兒Blythe同行，二人截的士前往銅鑼灣的軒尼詩中心，然後與友人午膳。
阿B已破產，由寶雲道遷往白建時道居住，愈住愈富貴，難免叫人感到奇怪；但據了解，阿B新居面積和租金，較之前寶雲道住所細和便宜。
之前阿B的寶雲道住所，面積二千八百呎，月租六萬；現時白建時道新居，面積只是舊居一半，僅得一千四百呎，月租四萬，以范姜及其胞妹名義租住。
記者昨日致電阿B，他說：「我跟大隊之嘛，係女朋友決定搬，因為之前女友台灣嗰邊屋企人過嚟陪佢生BB，屋企好多人，要大啲地方住，𠵱家女友生完，咁咪唔使咁大地方囉！」
阿B續說：「女友去睇樓，佢覺得呢度環境唔錯，我自己就冇乜點參與，因為我對住嘅要求其實好少，總之大隊決定去邊我就去邊。」
採訪、攝影：娛樂突發組、蔡如育
