自由黨同民主黨早排高調表示會向財爺發聯署信，要求出年起分兩年取消阿松訂下嘅加稅措施，減稅照顧中產。不過其他黨派反應冷淡，民建聯表明會自行提出減稅方案，其他民主派都耍手擰頭，結果減稅呼籲雷聲大雨點小，至今未有下文。
民主黨單仲偕噚日見完財爺，佢話聯署信重未搞掂，並透露至今只有劉秀成同何鍾泰兩名泛聯盟議員落叠聯署，而身兼行會成員嘅自由黨副主席周梁淑怡亦有簽名。至於幾時先將封信交畀財爺，佢就話唔使急，過多兩日等等有冇其他議員加簽都未遲。
政客要求減稅希望爭取表現向選民交代，今次兩大黨提出減稅卻攞唔到分，都算唔好彩，最慘情相信係單仲偕，事關成件事佢一個人揹晒，俾人鬧「厚顏無恥」都冇一個黨友出嚟幫手頂住，唔谷氣至奇。
（圖）單仲偕話封聯署信重未搞掂。
傳真︰2623-9278
電郵︰