老董高調反對班泛民主派喺立法會討論公投一事，當然得到中央讚賞，佢今日啟程飛去智利聖地亞哥，出席亞太經濟領袖會議，到時見到胡錦濤主席，就有得交代，主席一定鬧少佢兩句。
大家都知呢單嘢得個講字，但係中共好緊張，四出封殺，大班認叻話自己上星期五收到風，知道郭家麒、李國麟同譚香文準備噚日開會玩嘢，於是喺會上大迫供，踢爆呢單嘢，佢哋三個轉軚人只好直認不諱，為泛民主黨拆咗個炸彈。不過，自此之後，民主陣營好難再團結一致，中方分化又見成效。
至於老董，就要坐幾十個鐘頭飛機去開會，下周三先返港。
傳真︰2623-9278
電郵︰