到底行政會議成員，有幾大影響力？八方聽聞行會新貴陳智思最想推動嘅，就係將捐贈器官卡同新嘅智能身份證合二為一，佢由上屆立法會會期尾聲開始提出，剛被委任為行會成員時，都有講過，最近重計劃約見衞生福利及食物局局長周一嶽同保安局局長李少光，因為呢件事需要兩個政策局通力合作先做得成。
陳智思同八方講，政制爭拗有排都未會有結果，佢入咗行會之後，好想做啲實事，眼見香港明明有不少人樂於在死後捐出器官，就係因為器官捐贈卡唔係咁普遍同方便，以致錯失唔少救人良機。政府方面曾經同佢講，就算新嘅智能身份證有顯示捐贈器官嘅意願，醫院都要問過家人先，作用不大，陳智思就唔係咁諗，佢話好多死者家屬其實好開通，政府肯做一定有幫助。
傳真︰2623-9278
電郵︰