黃家強昨日與其新組成的樂隊「畢加索之馬」到赤柱大街為電台節目《組Band時間》作街頭表演，吸引大批市民圍觀。前日是家強四十歲生日，大會特別安排六位美少女獻吻，葉世榮又突然現身送禮，充滿驚喜。
黃家強昨日與其樂隊「畢加索之馬」在赤柱街頭表演，前日他四十歲生日，大會預先安排了兩個驚喜為他補祝生日，當家強表演時，六名美少女即演奏生日歌及獻上香吻，其後Beyond成員葉世榮又突然出現，送上壽包及禮物，更應家強要求即場獻唱。
家強笑言生日願望是明年成家立室，他說：「我希望出年可以結婚囉，而且我覺得有七成機會可以成真。」世榮透露為配合家強的型仔形象，特別送上名牌皮製手繩給他，世榮說：「係人都知家強一向都咁型，所以我覺得呢條手繩一定啱佢，加上佢自己又有一間band房，呢條繩就可以畀佢用嚟鞭嗰啲唔守band房規矩嘅人。」
家強和世榮透露明年一月底在紅館舉行Beyond演唱會，世榮說：「我哋今次會用一個故事形式去介紹Beyond，而且今次之後我哋唔知幾時先至會再聚埋一齊，所以要買飛就要趁早嘞！」問家強會以甚麼形式介紹家駒？他說：「今次唔會再用螢光幕呢個方法介紹家駒出場，總之成個演唱會個構思重諗緊。」
採訪、攝影：李珮洳
