噚日前綫搞嘅公投街頭論壇，夠晒民主，主持劉慧卿不停咁問台下觀眾有冇人想發表意見，有位男士好搞笑，講親嘅比喻都同賭有關。對於多位民主派議員支持○七、○八年普選同想舉辦公投，呢位男士話，中央已經否決咗普選，再爭取就好似場馬跑完，你要求再入返閘跑過一次，又好似六合彩攪完珠，你要求再攪過咁唔實際；而搞公投則好似去殯儀館同人講恭喜咁唔識做。
八方好肯定呢位一定係超級馬迷，卿姐則好唔同意佢嘅意見，反駁話○七、○八年嘅特首同立法會選舉，場馬都未開跑，攪珠亦未進行，人大常委會嘅決定亦非唔可以改變，絕對有空間爭取。
（圖）前綫劉慧卿猛叫台下觀眾發言，夠晒民主。
黃冠華攝
傳真︰2623-9278
電郵︰