吳浩康昨日在數碼港出席「青年自我挑戰賽」活動，向青少年分享接受挑戰的過程，他透露在藏毒案後曾想過自殺，幸好只是一剎那念頭，他說：「當時一諗起提攜自己嘅同事、老闆同屋企人，都唔識面對佢哋，連累咁多人承受壓力，真係諗過自殺，不過一躍而下好容易，但我老竇第日點抬起頭做人？父母點同人交代？既然自己搞咗個難題出嚟，就要有信心搞掂佢。」
問吳浩康出事後在街上可曾被人指指點點？他表示試過一次，吳浩康說：「當時我坐喺老竇架車入面，開咗窗，有個裝修工人指住我講『呢個×樣吳浩康』，當時我重笑住同佢打招呼，我見佢攞工具箱咁辛苦工作，佢有今日嘅結果，自有佢嘅原因，我做嘅嘢我會去承受。」