經濟發展及勞工局常任秘書長李淑儀主管香港經濟事務，但原來佢讀書嗰陣主修歷史，經濟科試過唔合格㖭。佢噚日出席「青年自我挑戰賽」時主動話自己當初唔夠料，考入政府之後要不停咁去惡補經濟。其實佢咁講，都係想鼓勵班年輕人要放眼世界，敢於面對挑戰。
佢家吓返工要對住咁多經濟問題，點樣紓緩壓力呢？佢話只要輕鬆面對就得。唔怪得佢噚日笑笑口走咗去，點都唔肯就港人無嘢做要去澳門搵食；重有內地同胞訪港，點解要住度假屋等作回應啦。
（圖）李淑儀重提瘀事都係想鼓勵後生仔啫。
傳真︰2623-9278
電郵︰