喺沙士事件飽受各方壓力嘅醫管局人力資源總監高永文，最近可以話經歷緊人生一個最低嘅低谷。高醫生噚日出席第八屆香港十大再生勇士選舉頒獎禮時，除咗提醒大家冬天就到要小心身體唔好感染流感之外，重向出席嘅人士透露，自己最近唔單止事業唔係咁如意，有屋企人最近因為健康問題令佢大受困擾。
好在人間有情，八年嚟一直有幫再生會評審再生勇士嘅高醫生，喺患難中都得到唔少長期病患者用電郵、寄信嚟支持同鼓勵佢，噚日重有唔少再生會成員爭住同高醫生合照，同埋送上溫暖嘅問候。一向眼淺嘅高醫生好感動咁話，今次真係體會到乜嘢叫做傷健一家。高醫生唔願多講屋企人健康有乜問題，但係八方都喺度祝高醫生家人早日康復。
傳真︰2623-9278
電郵︰