女子組合Cookies的四位成員Kary、Stephy、Miki和Theresa昨日往奧海城出席活動，跟fans大玩做模特兒遊戲。談及四人近期專注獨立唱歌、拍劇和電影，引起拆夥傳聞，Kary說：「我哋呢排最專注係下個月出碟就真。」
而Miki早前被拍到與緋聞男友徐天佑約會，當發現記者時，天佑竟撇下Miki自行離去，有欠風度，Miki說：「嗰晚係因為天佑喺印度返嚟，成班朋友約出去飲嘢啫，原本夜晚兩點幾男仔送女仔返屋企係好正常，不過唔想有唔好嘅傳聞，所以咪各自走囉。而呢啲係正常朋友約會，公司唔會阻止嘅。」問Miki究竟天佑有沒有買手信給她？Miki未開口，其餘三餅已齊聲取笑她說：「咪送currychicken（咖喱雞）畀佢囉。」
