近日遇到行家，話題都係講李燦榮，令人難過。前晚去食飯，聽到個消息更令人難過，就係TVB新聞部準備進一步節流，繼裁員之後，研究減薪嘅可能，例如高層減一成，低層減五個巴仙之類。吹啲咁嘅風，睇嚟士氣好難會恢復。八方更聽聞，唔少人都打定輸數，四圍搵出路。
知情人士說，成件事由某人辭職前向上頭呈上的萬言書開始，有人利用呢個機會，向一直唔聽話嘅新聞部郁手，加上二十四小時台攞唔到客，日日蝕錢當然大把口實被人郁，結果出現兩敗俱傷嘅局面。
最慘當然係班夥計，好似李燦榮，裁員前一晚重讀緊六點半新聞，第二日朝早就執包袱，點都一定有打擊。而傳媒進入炒人按年資按人工高低炒的時代，新聞質素淪落都可以預見。
傳真︰2623-9278
電郵︰