昨日有報道指名模陳嘉容證實子宮生了四個腫瘤，對此陳嘉容昨在奧海城演出花生騷時，指報道錯誤失實，她透露自己所生是俗稱的朱古力瘤，正確病名是子宮內膜異位，並非腫瘤那麼誇張，她並稱已排期下周一入院做手術，留院兩晚翌日更會飛往上海工作。
名模陳嘉容、李嘉慧和陳霽平昨日往奧海城演出fashionshow，示範時裝設計師RaneeK.及BonitaCheung等的作品。
昨有報道指陳嘉容驗出子宮生了四個腫瘤，昨日完騷後陳嘉容即被記者包圍，她輕鬆地說：「報道錯誤，好失實呀，我生嘅只不過係朱古力豆（朱古力瘤，正確病名為子宮內膜異位），係瘤嘅一種，但唔係腫瘤，我已經排咗期下周一（二十二日）入院做手術切除。其實好多女性子宮都有生朱古力豆，但係報紙就誇張到登埋阿梅（梅艷芳）張相。」
問陳嘉容有沒有因此買重保險？她說：「有豆豆唔可以加大保額，我呢次住兩晚醫院就使五位數字，出院第二日就要飛上海工作，男友Ricky重鬧我㖭，不過呢個job我應承咗人好耐㗎啦，醫生都話我應付得到嘅。」問她會否與男友結婚沖喜一下時，她說：「我哋都冇計劃生BB住。」
同場演出的另一名模李嘉慧，則表示不知陳嘉容生朱古力瘤一事，她說：「佢（指陳嘉容）已經係我哋成班女仔中最健康嘅一個，煎炸嘢都唔食，又成日食中藥。」
採訪：RitaLeung
攝影：HoKwokHo
