林保怡十分孝順，一直跟家人同住，近年他的緋聞不多，最鬧得熱烘烘的是數年前跟男助手的親密關係，保怡卻矢口否認，強調彼此只是賓主關係。
保怡說：「男助手係有家室之人，傳完緋聞，冇幾耐就辭職唔做，我都唔想影響到人哋。」問保怡是否很抗拒被傳同性戀？他豁達地說：「最初我好介意，但呢個圈係咁，樹大就會招風。」
保怡自言有一名拍拖多年、感情穩定的女友，他說：「我一直唔披露女友嘅身份，係希望可以好好保護呢段感情，佢一曝光，就要承受好多壓力。佢思想好成熟，我最怕人唔肯用腦，佢都好體諒我。」保怡家庭觀念很重，並堅持要跟家人同住，他說：「我重希望將來可以搵多啲錢，然後換間大屋畀屋企人住得舒舒服服。」
林保怡表示入行之前，曾在公餘時跟好友夾band，他說：「我重係做鼓手，幫人演奏廣告歌，因為有份正職，所以嗰啲兼職都算係賺錢買花戴，所以自問都幾藝術家脾氣。」
採訪：比華利 攝影：仇志德
髮型：EddieMa&GeorgeWong（Headquarters）
場地提供：五十年代餐廳（蘭桂坊）