曾於一歲半時感染脊椎結核病的趙先生，在四十多年後即九九年復發，一度不能行走，忍受多次手術的痛苦，入院留醫一年後，終可再次邁步行走，恢復工作，他由衷地說：「我真係好好彩，如果唔係，都唔知點算！」
現年五十五歲的趙先生於澳門出生，一歲半時不幸患上脊椎結核病，他說：「爸爸媽媽講畀我知，話當時喺澳門睇過好多醫生都醫唔好，最後有一位跌打醫生將我醫番好，一直都相安無事。」
直至九九年趙先生的脊椎結核病再度復發，他說：「初時背脊痛，我以為係風濕骨痛，去睇普通私家醫生，醫生話只係坐骨神經痛，畀咗啲止痛藥我就算，後來我痛到行唔到路，去睇骨科，先至知道個病復發。」
他經過多次大型手術及物理治療，在瑪麗醫院留醫一年後，終可恢復走路，但脊椎受損，導致他嚴重駝背，然而總算能重過正常生活及繼續工作，他坦言：「我真係估唔到個病會復發，醫生話畀我知，有一半機會會癱嘅時候，我真係唔知點算好，所以我行得番，真係好好彩！」
本報記者