八方收到OK便利店喺禮拜二，有個慶祝第二百間分店啟業嘅活動。經營OK便利店嘅上市公司利亞零售行政總裁楊立彬當然會出席，但係一直只係掛名做董事嘅大股東馮國經，竟然親自出席剪綵儀式，十分罕有。
馮國經做咗公職（現時做緊機場管理局主席）後，已經唔多理家族生意。即使係已經做咗藍籌股嘅利豐亦由細佬馮國綸打理，至於另一間上市公司利亞零售更加交畀外人管理，平時利亞公布業績都只係由楊立彬主持，唔會見到馮氏兄弟嘅影蹤。
八方記得上一次馮國經出席同利亞有關嘅公開場合，已經係○三年一月，當時OK便利店喺廣州開第一間分店。再對上一次可能係利亞上市儀式。
傳真︰2623-9278
電郵︰