老董噚日去青年高峯會，同班學生對話，佢有乜可以教班後生仔，八方唔敢講，但今次老董有樣好，就係教班後生仔要經常增值學嘢，好似佢咁到𠵱家重要學點同傳媒打交道。
唔好話八方逢董必鬧，其實老董呢幾年真係學到嘢㗎，好似民主黨噚日見佢老人家，臨走諗住同佢講下個西九龍「民愚偽術區」，點知佢老人家𠵱𠵱哦哦一輪，突然同民主黨講○七、○八年普選，猛叫民主黨唔好死牛一面頸，嗰種苦口婆心真係聞者動容，搞咗一輪散會，民主黨先發覺老董借普選避鬼咗答西九龍單嘢，老董咁又過骨。不過有民主黨老友話，老董情願講普選，都唔講西九龍，睇嚟對政府嚟講，西九龍單嘢可能真係恐怖過雙普選。
（圖）老董（左三）噚日喺青年高峯會唔知教咗啲後生仔乜呢？ 張志華攝
傳真︰2623-9278
電郵︰