任葆琳、鄭希怡（Yumiko）、何超瓊、繆非臨等前晚到金鐘出席手表晚宴。任葆琳早前被拍得與兩位猛男夜蒲，她說：「一拖二？我邊有咁本事？嗰啲係美國大學同學，佢哋飲醉咗，重衝出馬路，梗係要拖住啦。」問到任葆琳是否作風較為豪放，她就說：「玩啫，拖吓手又唔係做乜，我都係男仔頭，冇乜所謂。𠵱家我都冇人追、拍晒烏蠅。」
而Yumiko就表示公司因加買保險，她需要放假一天做身體檢查，問她公司為員工加保，可是因蔡卓妍日前在湖北發生交通意外所致？Yumiko說：「唔係，兩個星期前已經講要做。」此外，謝賢和狄波拉前晚亦有出席晚宴，其中性感的模特兒在示範名表時，不停在四哥身後穿梭，但四哥就全程目不斜視。
採訪：顏英儀 攝影：林德雄
