「小鳳姐演唱會，你上去搶咪」
阿倫玩大班陳年情史

譚詠麟昨日與立法會議員鄭經翰（大班）出席一個義工活動時，以大班與徐小鳳的情史來開玩笑，提醒大班不要錯過徐小鳳明年舉行的演唱會，更叫大班到時上台搶咪，大班則表示不介意阿倫開他玩笑。

譚詠麟與立法會議員鄭經翰昨日出席在佐敦舉行的「義務工作發展局2004周年大會暨2004國際義工日——愛心傳城義工大行動開展禮」，阿倫與大班在台上發言大力呼籲市民多參與義工活動時，阿倫竟以大班與徐小鳳曾經結婚的傳聞來開玩笑。

呼籲多做義工
當時兩人在台上呼籲大家多做義工活動，其間大班向阿倫說：「你做《左麟右李》嗰陣，記得喺咪度講，叫人多做義工。」阿倫隨即鬼馬地回應說：「出年有個演唱會，你上去搶咪講，嗰個就係小鳳姐演唱會，一定要去睇。」接着大會司儀還加一句：「一定要送飛。」

不介意開玩笑
事後問阿倫拿大班開玩笑，不怕令對方不高興？阿倫笑說：「唔知喎，總之大家開心，大班開心嘅，出年有兩個演唱會，大班去完我嗰個，再去小鳳姐嗰個。」阿倫之後繼續詐儍扮懵說：「估唔到凌空踢爆咗，我都唔記得㖭。」
再問到大班會否介意阿倫的玩笑？大班說：「梗係唔會，阿倫做義工大使一定搶咪。」問他會否睇徐小鳳的演唱會，大班說：「好嘅嘢都會睇。」當追問大班有否與徐小鳳聯絡時，大班拋下一句：「呢啲唔講。」之後便匆匆離開。
採訪、攝影：魯萍