今個星期最話題之DVD，真係首數《無間道終極珍藏DVD系列》；基本內裏收錄有1至3集故事，連每集的BonusDisc，已經有6碟，不過最令人留意的是另加的兩碟，因為佢會順時序地將三集《無間道》重新剪輯，變成一個5小時的完全版，相信以往好多睇唔明嘅地方，大家或者可以從中找到答案！
另一令人興奮點，是全套8碟，都重新以在HD-cam母帶製作（2.35:1闊銀幕），並以最新數碼科技，完全執清畫面上的瑕疵；筆者曾有幸觀賞第一集的試映，感覺是畫面清晰「通透」得無可挑剔，加上以現時港產電影中，最高的DTS-ES（1.5Mb/s）規格作混音（一般港產片DTS-ES只行一半位元率的754kb/s），絕對是《無》迷最終極的聲畫享受！至於額外收錄方面，分別有10分鐘《無間道1》從未曝光片段，同120分鐘全新特別收錄，亦都感覺到發行商的誠意。
另外提提大家，現在《無間道終極珍藏DVD系列》已經開始接受預訂，暫定見街日期為12月26日；不過12月6日前優先預定人士，可以享有免費刻名服務；至於價錢方面，建議零售價為$580，以8碟計算，真係幾超值！
千勣企業
查詢電話：23613111