蒙嘉慧及林保怡昨日到灣仔一間餐廳出席「Outback聖誕食物捐贈活動」，蒙嘉慧透露由於情緒不穩，所以要暫停做義工，她表示：「其實我以前都有同老人家傾偈，但係每次傾完個心都會好唔舒服，所以唔可以繼續做落去。」蒙嘉慧笑言會將網上投注「我最喜愛的男主角」贏得的獎金捐去做善事。她打趣說：「我𠵱家考慮緊網上投注，會買保怡贏，如果到時贏咗就將啲錢捐去做善事。」
保怡表示日前為台慶排舞時受傷，他說：「我排嗰隻舞係要着住木屐去跳，點知嗰日自己踩咗落另一隻腳度，當時真係痛到標眼水，嗰種痛真係震到上心呀！」保怡續道：「總之我每一日排完舞返到屋企就即刻去沖熱水涼，之後就用部機按摩腳底三十分鐘，如果唔係就會成隻腳脹晒。」
此外，保怡再次表示對奪取男主角一獎充滿信心，他笑言：「我唔會諗定台詞，因為到時講個感覺會真啲，或者我可能會忍唔住喊㗎！」