香港醫學會會長蔡堅真係語不驚人誓不休，噚日突然衝口而出，叫啲醫生與其喺香港日日受壓力，不如去資源短缺同有真正需要嘅地方行醫，搞到在場嘅立法會議員郭家麒眼都大埋，莫非蔡醫生講緊心底話？點解以前未有聽聞呢？
話說無國界醫生噚日喺紅磡都會廣場，舉行無國界野外定向比賽二○○五年開幕禮暨名人賽，蔡堅同何秀蘭組成「定向前行隊」、郭家麒同楊千嬅就參加另外兩隊，大家要係十分鐘內完成指定行程，蔡醫生笑自己年長，建議同何秀蘭分工，佢一人揹起所有食物、食水同藥物等，何秀蘭去跑，結果梗係唔得啦，不過三隊都冇超時，皆大歡喜。
傳真︰2623-9278
電郵︰