林文龍、葉璇和李詩韻正忙於拍攝無綫新劇《本草藥王》，近日有指文龍在開工時發脾氣，更因不滿劇情而改對白。
記者就傳聞向該劇監製黃偉聲求證，他昨日在電話中說：「其實係近日拍咗一場戲，講飾演李時珍嘅文龍雖有李詩韻呢個老婆，但佢亦戀上採藥女葉璇。劇本有一句對白係『我對我老婆原來一直冇付出感情』。文龍覺得同劇中老婆李詩韻相處咗十幾集戲，點可能冇感情，所以講唔出口，結果我、文龍同編審商量過，將感情改做愛情，我都尊重同演員嘅溝通，最緊要佢哋拍得舒服。」
至於指文龍發脾氣傳聞，黃偉聲說：「咁情緒個個演員都會有，我都體諒佢拍得好辛苦。」文龍昨日在電話中說：「我真係冇發脾氣。大家都係做嘢，勞氣都冇意思。」至於改對白一事，文龍又說：「個個劇都有呢啲情況出現，我都係想將對白講出嚟順口啲。」