今年九月立法會選舉搞到一鑊粥，選舉管理委員會主席胡官受到各方批評，日前公開中期報告將隻鑊向下卸，翌日佢位左右手總選舉事務主任李榮即被調走，呢次人事變動似乎事不尋常喎，莫非有人做咗代罪羔羊？
由於外間諸多猜測，公務員事務局噚日發表聲明，指早於去年已考慮將李榮調職，重話李榮自九七年八月起已擔任總選舉事務主任，而行政主任職系一般只會喺同一職位做三至四年，並話早於去年區議會選舉前，已考慮調走李榮，但顧及○三、○四年區議會及立法會選舉籌備工作如火如荼，先決定暫時擱置調動，𠵱家兩個選舉已完成，係適當時候調走李榮。當局講到調職好正常，之不過一名公務員調職都要出聲明，算唔算唔正常呢？
傳真︰2623-9278
電郵︰