開工首日選最好笑娛樂新聞
杜汶澤揶揄好姨新歡人人啱

杜汶澤日前首次到有線開工，跟吳君如拍檔錄影節目。談到近日最好笑的娛樂新聞，阿澤首選薛家燕（好姨）被偷拍到與年輕十七載的新歡拍拖，因為照片中該男士戴口罩又戴帽，根本「任何人都可以做」。

由吳君如和杜汶澤主持的有線娛樂新聞台節目《先睇星期四．再睇星期五》本周首播，日前兩位星級主持首日開工，阿澤便自掏腰包請工作人員飲下午茶，又買外賣給仍在工作的同事，作為第一天在有線工作的見面禮，十分識做。

「清楚度罕見」
阿澤更大送高帽說：「有線娛樂新聞台一直畀我好『潮』嘅感覺，而且藝人可以透過呢個頻道，為自己嘅傳聞平反。」君如和阿澤均希望自己可以令觀眾收看節目時捧腹大笑，阿澤說：「娛樂新聞本身嘅性質係為咗好笑，傳媒唔應該用一啲帶有仇恨同妒忌嘅字眼去報道。」
問阿澤近日最好笑的娛樂新聞是甚麼時，他說：「首選係家燕姐嘅姊弟戀，因為偷拍到咁清楚嘅相係近年罕見，而且個男主角戴咗帽同口罩，任何人都可以做。次選係九龍塘時鐘酒店看更話應采兒成日開房，但報道中一張相都冇。」
阿澤和君如的節目有一個環節叫做「撻朵任務」，兩人要於眾多「扭蛋」中抽出他們要履行的任務，並以三盤兩勝猜枚方法決定由誰去做。

撻朵免費算命
而首項任務是吳君如要「撻朵」免費找玄學家為名藝人算命，阿澤對此表示的確有藝人借知名度攞便宜，他說：「我聽過一件事，幾年前有個差人巡邏時見到架車，水撥位夾住張紙寫話『此為×××架車』，×××係影帝級演員嘅名，個差人真係冇抄牌，但我就一定唔會咁做。」問阿澤會否邀請女友田蕊妮任節目嘉賓時，他表示不會刻意邀請。