「通識教育學唔到嘢！」教育統籌局堅持「三三四」學制改革加入通識教育科，認為有助學生掌握學習的技巧，曾獲頒等同諾貝爾數學獎──菲爾茲獎的華人數學家丘成桐，則批評通識教育的內容膚淺，「就算係自由思考都要有內容㗎……唔係全部炒埋一碟。」
丘成桐認同社會應培育通才，但不是透過通識教育，「（通識科）呢度一小部份，嗰度一小部份，夾夾埋埋……冇一個重心」。他在大學時修讀過通識科內的「基礎物理」，內容只觸及皮毛。他擔心學生「學唔到最基本嘅嘢，到頭來乜都冇學過，淨係識亂噏。」
這位著名學者的兩位兒子均在哈佛大學念書，他引兩子的學習經驗為例，證明專科的重要，二人在中學時已修讀基礎的數學及生物知識，程度達大學一年級，在大學的銜接不成問題，「啲著名大學係唔會承認個grade（等級），但係對佢學習係有幫助。」
丘成桐認為，高中生必須修讀語文、數學、文學、歷史、生物、化學及物理七大科目，又指物理、化學及生物是三個完全不相同的學科，所以不同意新學制下，學生只能在物理、化學及生物三科中選修兩科。他希望本港教育能重視歷史科，「聽聞有學生連太平天國都唔知係乜……連日本打過中國都唔知，真係好荒謬」。丘成桐現為哈佛大學數學系教授及香港中文大學數學科學研究所所長，今日會獲科技大學頒授理學榮譽博士學位。
記者張嘉雯