男子組合Shine近期推出最後一張唱片後，即與EMI約滿，唱歌事業停頓的兩人，現身在印度拍攝新片《喜瑪拉亞星》。上周於當地剛度過二十一歲生日的黃又南，為紀念他的成人禮，更隨劉青雲登喜瑪拉雅山，而對於同片的應采兒因涉藏毒被捕，Shine則表示關心。
男子組合Shine早前往印度拍攝中國星新片《喜瑪拉亞星》，兩人的戲份日前已告拍竣，徐天佑已先行回港。而在周二剛滿二十一歲的黃又南，雖然患有哮喘，但為紀念他的成人禮，在拍攝完畢後即隨同片的劉青雲登喜瑪拉雅山。
對於片中女角應采兒因涉藏毒被捕，Shine日前接受訪問時對此表示關心，提到娛圈毒害問題嚴重，二人說：「我哋初初簽畀經理人Amy時，佢已經同我哋講過，話有兩件事一定唔可以做，第一件事係唔可以掂毒品，第二件事就係喺結婚前唔可以製造小生命，我哋記到實，所以我哋以前、𠵱家、將來都唔會掂毒品。」
此外，Shine所屬的EMI唱片暫停生產，早前EMI為兩人推出最後一張精選碟後，Shine與EMI亦告約滿，由於今年兩人不時出埠工作，故其歌唱發展也停了下來，對此Shine稱：「呢年係有少少戰戰兢兢，但個人成熟咗，做嘢比以前認真咗，咪當增值囉！藝人嘅路好長嘅，有次經理人同我哋傾開，話劉德華到𠵱家都咁勤力，重咁搏殺，嗰種精神好值得學習，我哋兩個𠵱家都係廿一歲，重有排做、有排學。」
採訪：朱倬誼攝影：葉君海
場地：hundredcafe
