蒙嘉慧早前為她任代言人的美容中心拍攝廣告，大騷滑溜玉背及長腿，雖然拍足十二小時，但廣告商預備各種燕窩美食慰勞她補數。
蒙嘉慧簽約成為美容中心BeauGesteBeautyPlus代言人，拍攝廣告及出席宣傳活動即袋近百萬酬金，早前她穿上多套晚裝拍攝廣告，並由設計師何國鉦（DorianHo）擔任形象指導。
蒙嘉慧昨日接受電話訪問時表示該廣告拍足十二小時，但絕不辛苦，她說：「下午一點開始拍，食嘅嘢唔係飯盒、奶茶，而係燕窩餐，有果汁燕窩、椰汁炖燕窩、燕窩蛋撻十幾款，真係受寵若驚，好開心，夠我食到夜晚一點收工。」
廣告中蒙嘉慧大騷長腿、玉背，她說：「有一個造型要我大露背，好性感咁伏喺玫瑰花上面，但係我俾啲玫瑰花桔到好痛，表情都僵埋，所以最終都冇用到。」
蒙嘉慧揚言最滿意自己一雙長腿，她說：「細個成日跑步，所以小腿有嚿muscle，以前覺得唔靚，後來按摩得多，線條變番smooth啲，睇落修長，都幾滿意。𠵱家我都會用mask敷小腿，等佢白啲、滑啲。」DorianHo則表示蒙嘉慧身形偏瘦、帶骨感，故刻意強調其長腿及玉背。
採訪：DebbieLum
