日韓興啲乜：日本OnabePubShow<br>女扮男裝無忽似女人

日韓興啲乜：日本OnabePubShow
女扮男裝無忽似女人

日本一般ShowPub表演者有男有女，「Okama」則大玩類似泰國人妖Show的男扮女裝，「Onabe」則是「Okama」後興起的新現象。「Onabe」即女扮男裝的「女性」，「她們」外表激似男人，不講也不知是女兒身，今日就帶大家到惠比壽看最人氣的「SHOWPUBAPOLLO」，看眼前一班「猛男」如何施展渾身解數！
記者：張一豪
攝影：黃子偉

傳奇店長出自傳
日本「Onabe」別號「NewBoy」，類似我們所指的「TomBoy」，「TomBoy」性對象係女人，不過「Onabe」一族會同時鍾意完整的女人或身為「Okama」一族男扮女裝的「男人」。「APOLLO」開業即受多方面注目，直接令「Onabe」專門店的數目在東京愈來愈多，店長一文字注太更可謂「Onabe」界先鋒，話說佢以前在「Okama」酒吧工作，認識男扮女裝嘅「Okama」小紅，結婚1年後離婚。「Onabe」戀上「Okama」，女扮男者與男扮女者搞埋一齊，男女關係大兜亂，傳奇人生自然吸引不少傳媒採訪，去年更寫自傳出書。
激似度：＊＊＊＊＊



雜誌電視台爭相採訪
「SHOWPUBAPOLLO」面積千多呎，裝修毫不特別，所在地亦毫不起眼，但它竟然是家響噹噹的酒吧，不訂位別望入座，開業剛滿3年，受過無數雜誌訪問，亦吸引了「富士電視台」、「TBS」、「TV朝日」、「日本TV」、「TV東京」等大電視台專訪，因為它是「Onabe」女扮男裝文化的始作俑者，讓日本人認識「Onabe」為何物，直接令「Onabe」成為另類怪雞潮流。

■一文字以真名「山本光」出自傳，?1,260（約$90）。



激似男人度大比拼

■大路日本Pub格局，但因有「Onabe」表演，令它成為ShowPub名店。

■秀斗及廣樹人緣好，雖是新成員亦很快有自己的熟客。

玉置太郎勁Man
「APOLLO」創辦人之一，現為副店長，講真佢周身肌肉又有鬚根無忽似女人，不過下半身又真係少樣嘢，麻甩度爆燈，見到真人肯定重震驚！
激似度：＊＊＊＊＊

廣樹怕醜「仔」跳舞醒
新成員怕醜「仔」，為人比較內向，望住鏡頭都會周身唔自在，神態舉止重保留少少女仔Feel，雖然未夠Man，但跳舞一啲都唔輸蝕，渾身是勁。
激似度：＊＊＊

高瘦平「美少年」秀斗
新加入表演成員，未做乳房手術本身已經高瘦平，五官神態還有些女人味，似少女漫畫入面嘅美少年，勁受女顧客歡迎，成日捉住佢影相。
激似度：＊＊1/2

精采表演製作認真
「APOLLO」表演約45分鐘，1套自製搞笑Video熱身過後，即嚟5場熱舞，編排表演非常認真，極富娛樂性。

第一場《NewBoy》
■服飾看似密實其實性感，讓觀眾認識何謂「新男仔」！

第二場《PrettyWoman》
■搞笑歌舞劇講人妖爭仔，兩「半男」爭一男，幾抵死！

第三場《青春》
■齋唱歌一樣唔係流，歌詞有創意有意思，主旨不要戰爭要和平。



客人點睇

第四場《男．男．男!!!》
■超爆笑，麻甩味極重，搞笑搞基最後搞出人命。

第五場《KAZA~風》
■扮尊尼事務所年輕藝人跳舞，節奏強勁有睇頭。

涼香：「嚟過四五次，上網知道有呢間店，Show幾好睇，店員好親切。」

愛香：「朋友介紹嚟，好得意，真係睇唔出佢哋係女仔，做Show好認真。」

SHOWPUBAPOLLO
地址：東京都涉谷區惠比壽南1-1-4惠比壽SkyBldgB1
電話：（81）3-3792-5112（訂座可找會說國語的顧先生及張先生）
營業時間：9:30pm至4:30am（星期一及每月第二星期日休息）
交通：JR山手線站下車西口出向銀座通方向走3分鐘。
時段入場費：9:30pm至12:00mn：?4,200（約$300）12:00mn至4:30am：?5,300（約$375）
註：入場費包看表演，飲品另計每杯?700起（約$50），食物每碟?900起（約$64），另加10%服務費。

男扮女人妖DVD熱賣
唔只女扮男，日本人對男扮女「易服癖」另類人士一樣勁有興趣，立川區的「OkamaShowPubAMON」為慶祝開業五周年，推出日本史上第一隻由店內12位「美人Dancer」演出的DVD《OHOO!!》，首天推出竟然賣出1,500隻，到現時為止更經常缺貨，現在有發行公司正商討作全國發行，厲害！

■《OHOO!!》?3,500（約$240），意想不到大賣。

■同聲同氣？「APOLLO」洗手間內有《OHOO!!》宣傳海報。